Elnur  Uğur - Hər qatı qaranlığın

Ədəbiyyat 18:01 / 02.07.2026 Baxış sayı: 1057

Hər qatı qaranlığın,

Bətnindən işıq doğar.

Yetər ümidin olsun,

İşıq zülməti boğar.

 

Çəkilən cəfaların,

Mütləq sonu səfadı.

Əzmin söykənəcəksə,

Dərd də dərdə dəvadı.

 

Eşqimi çətir açdım,

Bir arzu, bir kam üstə.

Sevgimdən şam yandırdım,

Bu qərib axşam üstə.

Sabah doğacaq nurun,

Bir adı var məhəbbət!

Uğurundan Elnurun

Uğur doğar məhəbbət.